Mga panhuna-húnà han naglabay nga pinili-ay

Yanâ, mga siyam na ka ádlaw tikang ha pinili-ay nga ginbúhat ha Pilipinas.  Ngan nagdaog an Alkalde han Davao nga hi Rodrigo Roa Duterte.  Kundi bisan yanâ, baga hin makusog pa an gin-aábat nga karisyohan nga gindangat tungod han iya pagdaog.

Mayda ko mga sangkay nga nahiusa kun kay-ano hi Duterte an akon gin-ugopan han yanâ nga pinili-ay.  Kay hi Duterte man là an kandidato nga nagbandilyo han federalismo komo usa nga bahin han iya plataporma.  Waray han mga iba nga kandidato naghatag hin apoyo han federalismo ngan duha nga kandidato - hi Mar Roxas ngan hi Miriam Defensor-Santiago - ginmawas nga mga natipa han federalismo.

Ha akon pagkitâ, it federalismo amo it usá nga paagi nga diin magkakaada hin kalungaringon-nga-pagdeterminar han aton mga kanasoran nga nahilakip han soberano nga estado nga tinatawag nga Pilipinas.   Kinahanglan an mga waray-estado nga mga kanasoran o grupo ethniko han Pilipinas hin higayón nga diín hirá magkakaada hin kalugaringon nga pagdeterminar o kun ha Iningles "self-determination"

Bag-o nga Blog, Bag-o nga Pagtikáng

Nagtikáng ak hin bag-o nga blog ha Ininggles.  An ngaran hit blog "Musings Overseas".  Ha yanâ nagbutáng ak han ak syahan nga paskin didto.


#bag-o_nga_blog #bag-o_nga_pagtikang

Maiha na

Maiha na nga waray ak makagblog.  Binmalik ak yanâ dinhi.  ¿Igbabanhaw ko pa bà? ¿O magtikáng hin bag-o?

Kitaon ta....

Huwaso nga penitensya

Tikang han sitcom nga 'Allo, Allo' han episodyo nga The Great Un-Escape. Dinhi, hi Herr Otto Flick nga tikang han Gestapo nagpapasangil nga padi ngan naghatag hiya hin pataraw-an nga penitensya hin nagkumpisal. Makikita ha ubos.

http://www.youtube.com/watch?v=-f7V3NQ2q08

Die Wacht am Rhein ngan La Marseillaise ha "Casablanca"

An episodyo han 'Allo allo' nga diin an La Marseillaise ngan han Deutschlandlied gin-gamit posible nagkuha hin inspirasyon tikang han eksena ha Casablanca nga diin nagbanggaay an Die Wacht am Rhein ngan an La Marseillaise.

http://www.youtube.com/watch?v=HM-E2H1ChJM&feature=related

La Marseillaise ngan Deutschlandlied nga pataraw-an

Nagkita ak hin mga bahin han sitcom nga 'Allo, Allo. Mayda pataraw-an nga episodyo nga diin nagkanta han La Marseillaise an nasodnon nga awit han Fransya dida han panahon han pag-okupa han Alemanya han Fransya han Ika-Duha nga Gyera Pankalibotan. Samtang nagkakanta hira han La Marseillaise, sinmulod an mga Aleman dayon binmalhin hira hin pagkanta ngadto han Deutschlandlied (an nasodnon nga awit han Alemanya)

http://www.youtube.com/watch?v=QGTuRRdhuLs

Linurong nga mga Balaod

Dinhi ha California, gindidiri han balaod an pagkaada hin balisong nga mga chaku. Ambot kon hin-o an naghunahuna hini nga balaod pero waray gamit ini nga balaod. An nadangatan la hini nga linurong nga balaod amo an pagkawaray han mga nasunod-han-balaod hin katungdanan pag-angkon hin mga chaku ngan balisong. An mga nasunod han balaod nga karuyag makag-angkon hin balisong ngan chaku diri lugod nagkakaada hin higayon nga magintag-iya hini nga mga garamiton.

¿Kay-ano man nga ginhimo nga ilegal an pag-angkon o pagkaada hin mga balisong ngan chaku? Tanan nga mga armas mayda mga naabuso hin paggamit kundi diri ini rason nga himuon nga ilegal an pagtag-iya hin armas bisan man kon ini balisong o chaku.

Angay liwaton ini nga balaod. Angay himuon nga legal an pag-angkon ngan pagtag-iya hin balisong ngan chaku.