Huwaso nga penitensya

Tikang han sitcom nga 'Allo, Allo' han episodyo nga The Great Un-Escape. Dinhi, hi Herr Otto Flick nga tikang han Gestapo nagpapasangil nga padi ngan naghatag hiya hin pataraw-an nga penitensya hin nagkumpisal. Makikita ha ubos.

http://www.youtube.com/watch?v=-f7V3NQ2q08

Die Wacht am Rhein ngan La Marseillaise ha "Casablanca"

An episodyo han 'Allo allo' nga diin an La Marseillaise ngan han Deutschlandlied gin-gamit posible nagkuha hin inspirasyon tikang han eksena ha Casablanca nga diin nagbanggaay an Die Wacht am Rhein ngan an La Marseillaise.

http://www.youtube.com/watch?v=HM-E2H1ChJM&feature=related

La Marseillaise ngan Deutschlandlied nga pataraw-an

Nagkita ak hin mga bahin han sitcom nga 'Allo, Allo. Mayda pataraw-an nga episodyo nga diin nagkanta han La Marseillaise an nasodnon nga awit han Fransya dida han panahon han pag-okupa han Alemanya han Fransya han Ika-Duha nga Gyera Pankalibotan. Samtang nagkakanta hira han La Marseillaise, sinmulod an mga Aleman dayon binmalhin hira hin pagkanta ngadto han Deutschlandlied (an nasodnon nga awit han Alemanya)

http://www.youtube.com/watch?v=QGTuRRdhuLs

Linurong nga mga Balaod

Dinhi ha California, gindidiri han balaod an pagkaada hin balisong nga mga chaku. Ambot kon hin-o an naghunahuna hini nga balaod pero waray gamit ini nga balaod. An nadangatan la hini nga linurong nga balaod amo an pagkawaray han mga nasunod-han-balaod hin katungdanan pag-angkon hin mga chaku ngan balisong. An mga nasunod han balaod nga karuyag makag-angkon hin balisong ngan chaku diri lugod nagkakaada hin higayon nga magintag-iya hini nga mga garamiton.

¿Kay-ano man nga ginhimo nga ilegal an pag-angkon o pagkaada hin mga balisong ngan chaku? Tanan nga mga armas mayda mga naabuso hin paggamit kundi diri ini rason nga himuon nga ilegal an pagtag-iya hin armas bisan man kon ini balisong o chaku.

Angay liwaton ini nga balaod. Angay himuon nga legal an pag-angkon ngan pagtag-iya hin balisong ngan chaku.

Balik ha pag-Blog

Maiha na ak waray makablog dinhi. Yana la ak nakabalik dinhi hin pagblog. Damo it ak buruhaton. Syahan angay ko aydon it mga sumpay dinhi nga mga sakto. Damo na nga mga websayt nga nawara nga nahasumpay pa ha ak blog.

Kitaon ta la kon mayda ko pa ba buruhaton

Indigenous Blogs

¡Ada na an Indigenous Blogs nga pakli! Ini nagtatala han mga blog ha mga tuminongnong nga pinulongan.

Para han mga karuyag han adres han Indigenous Blogs, an adres ada ha ubos:

http://indigenoustweets.com/blogs/war

Indigenous Tweets

Han pagtikang han bulan an websayt nga Indigenous Tweets nagpagawas han pakli para han Winaray.

Iton websayt nagtatala hiton mga tweet nga ginbubuhat ha mga tuminongnong nga mga pinulongan. An Winaray nga pakli nagtatala han mga tweet nga ginbubuhat ha Winaray.

Ha akon pagkita maupay nga iton Winaray ginagamit ha pag-Tweet. Kundi puyde pa ini maghingaupay. Ha yana, an gidamoi hin Tweet ha Winaray amo an I Love Tacloban nga akawnt kundi bisan ini mga iban-hin-katloan nga porsyento (o menos treynta porsyento) iton gidamo-i nga gin-Tweet ha Winaray. Hinaot unta nga dumamo pa ini