Han yana nga semana nagpinamiling ak hin dugang nga mga video ha Winaray. Nabilngan ko an video nga "Ano Daw La". Hi Daryll Gariando it nakanta dinhe. Hi Melvin Corpin an nagkomposo han música.
Iton video mabibilngan ha http://www.youtube.com/watch?v=GVxm3hBN9Zs .
Puyde liwat makita ini nga video ha ubós
Thursday, December 18, 2008
Monday, December 15, 2008
Winaray nga hiphop -- eXoduce & La Familia
Maiha na ak nga nakasabot hinin Waraynon nga grupo nga La Familia ug han usa nga ira api nga hi eXoduce. Pero yana la ak nagkaada hin higayon nga makasurat mahitungod ha ira.
Syahan ko nabilngan an video ni eXoduce nga 284 (Tikang han Mabulag kita) ha YouTube. Mabibilngan ini nga video ha hini nga adres.
Puyde liwat ini nga video makita ha ubós:
Pero nasabtan ko la pinaagi han Archipelago Music nga blog nga api ngay-an ini hiya hin grupo nga La Familia.
Para makapamati hit ira musika, pakadto hit adres ha ubos.
http://www.imeem.com/exoduce/
Syahan ko nabilngan an video ni eXoduce nga 284 (Tikang han Mabulag kita) ha YouTube. Mabibilngan ini nga video ha hini nga adres.
Puyde liwat ini nga video makita ha ubós:
Pero nasabtan ko la pinaagi han Archipelago Music nga blog nga api ngay-an ini hiya hin grupo nga La Familia.
Para makapamati hit ira musika, pakadto hit adres ha ubos.
http://www.imeem.com/exoduce/
Sunday, April 06, 2008
Pagkita han Phantom
Kagab-i didto ako ha Costa Mesa ha Orange County Performing Artscenter (OCPAC). Nagkita ako han The Phantom of the Opera ni Andrew Lloyd Weber nga ginbase han nobela ni Gaston Leroux nga amo gihapon an titulo (Le Fantôme de l'Opéra ha orihinal nga Franses). Inin pasundayag padayon nga igpapasundayag didto ha Segerstrom Hall tikang han Marso 26 tubtob hit Abril 19 yana nga tuig didto. Para hin dugang nga impormasyon bisitaha it opisyal nga websayt hit OCPAC ha http://www.ocpac.org
Nagkita ak nga daan han 2004 nga salida han hini nga musical ni Andrew Lloyd Weber. An 2004 nga pelikula gindirek ni Joel Schumacher nga diin hi Gerard Butler an nagkapot han papel han Phantom ngan hi Emmy Rossum ngan Patrick Wilson an nagkapot han mga papel ni Christine Daaé ngan Raoul, Vicomte de Chagny. Mayda liwat ak han soundtrack han 2004 nga pelikula, ngan nakabati na ak han original cast nga album. Amo nga karuyag ko kitaon an bersyon ha entablado agod maikompara an duha. An mga pagkakaiba han bersyon ha entablado ngan han bersyon ha pelikula ginpahayag ha Wikipedia nga artikulo mahitungod han bersyon ha pelikula.
¿Ano it ak masisiring? Ha syahan maupay hin duro an pasundayag ngan gin-ganahan ako pagkita han bug-os nga pasundayag. Mayda gudman mga pagkaiba han bersyon ha entablado ngan han bersyon ha pelikula pero amo man ini kay iba man nga paagi hin pagpasundayag iton teatro ngan entablado kaysa hit pelikula ha sine. Pananglitan, nanotisyahan ko nga mayda pagkaiba han mga pulong dida han "Think of Me" nga kanta nga ginkanta ha entablado kaysa han bersyon nga ginkanta ni Emmy Rossum dida han salida. Ngan mayda mga ginkanta ha entablado nga dialogo dida han salida. Pero gabay pa magkita ka hiton bersyon ha entablado ngan hit pelikula agod makahimo ka hit imo kalugaringon nga pagpili.
Mayda la ak gutiayay nga waray makita kay an ak napalit nga lingkoran ha Segerstrom Hall. Bisan man kon harani, sobra ako ngadi ha tuo amo nga mayda bahin han entablado nga nakasalipod han tuo nga bahin han entablado. Ngan mayda mga eksena nga baga hin diri klaro kay tungod han kapuwesto han ak lingkoran.
Ambot la kon an sistema hin pagpatunog (o sound system) an may problema pero mayda mga bahin han kanta ngan dialogo nga talagsa baga hin diri klaro. O bangin la tikabungol na ak. Pero mayda mga bahin han kanta ngan dialogo nga talagsa diri klaro. Pero an dako nga bahin han pasundayag klaro hin duro an kanta ngan dialogo, amo nga OK la inin mga gagmay nga mga sayop.
Ha halipot nga sumat, maupay hin duro an pasundayag bisan man kon mayda mga gudti-gudti nga angay balhinon. Kon makakadto ka ha Costa Mesa tikang yana tubtob hit Abril 19, maupay kon magkita ka hit The Phantom of the Opera ni Andrew Lloyd Weber.
Nagkita ak nga daan han 2004 nga salida han hini nga musical ni Andrew Lloyd Weber. An 2004 nga pelikula gindirek ni Joel Schumacher nga diin hi Gerard Butler an nagkapot han papel han Phantom ngan hi Emmy Rossum ngan Patrick Wilson an nagkapot han mga papel ni Christine Daaé ngan Raoul, Vicomte de Chagny. Mayda liwat ak han soundtrack han 2004 nga pelikula, ngan nakabati na ak han original cast nga album. Amo nga karuyag ko kitaon an bersyon ha entablado agod maikompara an duha. An mga pagkakaiba han bersyon ha entablado ngan han bersyon ha pelikula ginpahayag ha Wikipedia nga artikulo mahitungod han bersyon ha pelikula.
¿Ano it ak masisiring? Ha syahan maupay hin duro an pasundayag ngan gin-ganahan ako pagkita han bug-os nga pasundayag. Mayda gudman mga pagkaiba han bersyon ha entablado ngan han bersyon ha pelikula pero amo man ini kay iba man nga paagi hin pagpasundayag iton teatro ngan entablado kaysa hit pelikula ha sine. Pananglitan, nanotisyahan ko nga mayda pagkaiba han mga pulong dida han "Think of Me" nga kanta nga ginkanta ha entablado kaysa han bersyon nga ginkanta ni Emmy Rossum dida han salida. Ngan mayda mga ginkanta ha entablado nga dialogo dida han salida. Pero gabay pa magkita ka hiton bersyon ha entablado ngan hit pelikula agod makahimo ka hit imo kalugaringon nga pagpili.
Mayda la ak gutiayay nga waray makita kay an ak napalit nga lingkoran ha Segerstrom Hall. Bisan man kon harani, sobra ako ngadi ha tuo amo nga mayda bahin han entablado nga nakasalipod han tuo nga bahin han entablado. Ngan mayda mga eksena nga baga hin diri klaro kay tungod han kapuwesto han ak lingkoran.
Ambot la kon an sistema hin pagpatunog (o sound system) an may problema pero mayda mga bahin han kanta ngan dialogo nga talagsa baga hin diri klaro. O bangin la tikabungol na ak. Pero mayda mga bahin han kanta ngan dialogo nga talagsa diri klaro. Pero an dako nga bahin han pasundayag klaro hin duro an kanta ngan dialogo, amo nga OK la inin mga gagmay nga mga sayop.
Ha halipot nga sumat, maupay hin duro an pasundayag bisan man kon mayda mga gudti-gudti nga angay balhinon. Kon makakadto ka ha Costa Mesa tikang yana tubtob hit Abril 19, maupay kon magkita ka hit The Phantom of the Opera ni Andrew Lloyd Weber.
Thursday, January 10, 2008
Balik hin pagblog
Kaiha na nga waray ak mahibalik dinhe nga blog. Kay damo an ak trabahoon. Bisan pa kay bag-o na nga tuig, mabalik ak pagsurat dinhe.
Damo iton proyekto nga angay atubangon. Pero ha yana, it akon buruhaton para hini nga bag-o nga tuig amo an:
1. Pagmantener hini nga blog.
2. Pagpadayon pagsurat ha Winaray.
Ini la nga buruhaton an ak ginlilista kay amo man ini an direkta nga nanginginlabot hini nga blog.
Damo iton proyekto nga angay atubangon. Pero ha yana, it akon buruhaton para hini nga bag-o nga tuig amo an:
1. Pagmantener hini nga blog.
2. Pagpadayon pagsurat ha Winaray.
Ini la nga buruhaton an ak ginlilista kay amo man ini an direkta nga nanginginlabot hini nga blog.
Saturday, September 01, 2007
Pagsaurog hin Tchaikovsky
Dida han kataposan nga adlaw han Agosto (31 han Agosto) kinmadto naliwat ak ha Hollywood Bowl agod magkita han ira sinisiring nga Tchaikovsky Spectacular.
Ini nga konsyerto nagpanguna hin musika nga ginkumposo han Ruso nga kompositor nga hi Pyotr Ilytch Tchaikovsky.
Adi ha ubos in video ha YouTube nga ginkuha hadto nga gab-i
Ginkuha ini nga video dida han mga harani na han kataposan han pagtokar han 1812 Overture ni Tchaikovsky. Waray kuhaa an bug-os nga pasundayag ha video.
Ini nga konsyerto nagpanguna hin musika nga ginkumposo han Ruso nga kompositor nga hi Pyotr Ilytch Tchaikovsky.
Adi ha ubos in video ha YouTube nga ginkuha hadto nga gab-i
Ginkuha ini nga video dida han mga harani na han kataposan han pagtokar han 1812 Overture ni Tchaikovsky. Waray kuhaa an bug-os nga pasundayag ha video.
Sunday, August 19, 2007
Kahibalik han Kinatsila
Dida han lain nga blog ni Pepe Alas ha AlasFilipinas (an syahan nga Pilipinhon nga bitacora o blog ha Espanyol o Kinatsila) mayda hiya paskin mahitungod han panuyo ni Presidente Gloria Macapagal Arroyo nga igbalik hin pagka-opisyal nga yinaknan an Espanyol o Kinatsila nga yinaknan.
Ini nga sumat ginpahayag gihapon dida han Yahoo!España nga mga sumat ngan ha Latino.msn.com nga websayt.
(PALANAT: An Yahoo! España nga sumat ginkuha na han mga nagdudumara han Yahoo).
Para ha akon mayda pagkamaupay ini nga sumat. Tungod kay damo nga dokumento nga nahahanungod han kaagi ngan kasaysayan han Pilipinas nahasurat ha Kinatsila. Kinahanglan iton seryoso nga nag-aaram mahitungod hiton kaagi hit Pilipinas maghibaro hin Kinatsila agod mabasahan an mga orihinal nga dokumento. An mga syahan nga pagpurulongan o diksyunaryo han Winaray ginsurat ha Kinatsila ni Padre Mateo Sánchez. An syahan nga gramatika han Winaray nga yinaknan ginsurat ha Kinatsila ni Padre Domingo Ezguerra. (Ini nga barasahon mayda ak kopya ngan puno ini hin impormasyon mahitungod han kagamit han Winaray ha Leyte han siglo han mga tuig 1600).
It akon la unta, kon mahimo ini nga plano nga mahibalik an Kinatsila nga opisyal nga yinaknan, nga iton Winaray o Binisaya nga Lineyte-Samarnon tagaan gihapon hin opisyal nga status han gobyerno. Pati gihapon iton ngatan nga yinaknan han Pilipinas. Diri ak naruruyag nga iton yinaknan nga mayda opisyal nga status ha Pilipinas Iningles la ngan Tinag-alog (nga ginpipinasangil nga "Filipino") la. Maiha na ini nga huwaso ha Leyte ngan Samar nga an aton kalugaringon nga Winaray diri gintutudo hin pormal ha mga iskwelahan naton. Iton aton kalugaringon yinaknan iton angay mangulo hit aton kalugaringon nga tuna. Ngan ha Sinirangan nga Kabisay-an, an mga kalugaringon nga yinaknan han katawhan amo an Winaray, Sinugboanon, ngan Inabaknon. Diri Iningles, diri Kinatsila, diri Tinag-alog.
Ini nga sumat ginpahayag gihapon dida han Yahoo!España nga mga sumat ngan ha Latino.msn.com nga websayt.
(PALANAT: An Yahoo! España nga sumat ginkuha na han mga nagdudumara han Yahoo).
Para ha akon mayda pagkamaupay ini nga sumat. Tungod kay damo nga dokumento nga nahahanungod han kaagi ngan kasaysayan han Pilipinas nahasurat ha Kinatsila. Kinahanglan iton seryoso nga nag-aaram mahitungod hiton kaagi hit Pilipinas maghibaro hin Kinatsila agod mabasahan an mga orihinal nga dokumento. An mga syahan nga pagpurulongan o diksyunaryo han Winaray ginsurat ha Kinatsila ni Padre Mateo Sánchez. An syahan nga gramatika han Winaray nga yinaknan ginsurat ha Kinatsila ni Padre Domingo Ezguerra. (Ini nga barasahon mayda ak kopya ngan puno ini hin impormasyon mahitungod han kagamit han Winaray ha Leyte han siglo han mga tuig 1600).
It akon la unta, kon mahimo ini nga plano nga mahibalik an Kinatsila nga opisyal nga yinaknan, nga iton Winaray o Binisaya nga Lineyte-Samarnon tagaan gihapon hin opisyal nga status han gobyerno. Pati gihapon iton ngatan nga yinaknan han Pilipinas. Diri ak naruruyag nga iton yinaknan nga mayda opisyal nga status ha Pilipinas Iningles la ngan Tinag-alog (nga ginpipinasangil nga "Filipino") la. Maiha na ini nga huwaso ha Leyte ngan Samar nga an aton kalugaringon nga Winaray diri gintutudo hin pormal ha mga iskwelahan naton. Iton aton kalugaringon yinaknan iton angay mangulo hit aton kalugaringon nga tuna. Ngan ha Sinirangan nga Kabisay-an, an mga kalugaringon nga yinaknan han katawhan amo an Winaray, Sinugboanon, ngan Inabaknon. Diri Iningles, diri Kinatsila, diri Tinag-alog.
Bulan hin Yama-yama
Hi Pepe Alas mayda paskin ha Skirmisher.org mahitungod han Bulan han Nasodnon nga Yinaknan. Diri ako na-uyon o natuo hit ngatanan nga iya ginsusurat pero maupay gihapon ini basahon.
Angay ko igpahayag anay nga naduda ak hin duro hiton kan Pepe Alas istorya mahitungod han sinisiring nga abakada ha Tinag-alog nga yinaknan. Mayda ginpapakita ha kasaysayan nga an abakada ha Tinag-alog nagtikang han kan José Rizal ensayo ha La Solidaridad nga "Sobre La Nueva Ortografía de la lengua Tagalo" nga ginmantala dida han Abril 15, 1890. Ngan naduda gihapon ako hit kan Pepe pagrason hit pagkaada hit Taglish ngan pagsagol hit Iningles han iba nga mga yinaknan han Pilipinas.
Pero maupay basahon it kan Pepe Alas kritiko mahitungod han siday nga Sa Akin mga Kababata (Ha Akon mga Igkasibata) nga sinurat kunuhay ni José Rizal. Ini iton rason nga ginrerekomenda ko ini nga barasahon.
Angay ko igpahayag anay nga naduda ak hin duro hiton kan Pepe Alas istorya mahitungod han sinisiring nga abakada ha Tinag-alog nga yinaknan. Mayda ginpapakita ha kasaysayan nga an abakada ha Tinag-alog nagtikang han kan José Rizal ensayo ha La Solidaridad nga "Sobre La Nueva Ortografía de la lengua Tagalo" nga ginmantala dida han Abril 15, 1890. Ngan naduda gihapon ako hit kan Pepe pagrason hit pagkaada hit Taglish ngan pagsagol hit Iningles han iba nga mga yinaknan han Pilipinas.
Pero maupay basahon it kan Pepe Alas kritiko mahitungod han siday nga Sa Akin mga Kababata (Ha Akon mga Igkasibata) nga sinurat kunuhay ni José Rizal. Ini iton rason nga ginrerekomenda ko ini nga barasahon.
Subscribe to:
Posts (Atom)